Երկուշաբթի, 14 հոկտեմբերի, 2019 թ.
|
Ստեփանակերտում`   +12 °C

«Արցախի համար սուլթանական սահմանադրություն գրողն իրեն համեմատում է սահմանին կանգնած զինվորի հետ». Հայկ Խանումյան

«Արցախի համար սուլթանական սահմանադրություն գրողն իրեն համեմատում է սահմանին կանգնած զինվորի հետ». Հայկ Խանումյան
144
Շաբաթ, 05 հոկտեմբերի, 2019 թ., 18:40

Արցախի ԱԺ ընդդիմադիր պատգամավոր Հայկ Խանումյանը ֆեյսբուքյան իր էջում գրել է. «Հրայր Թովմասյանն ակնհայտ քաղաքական գործիչ է՝ ՍԴ անդամի անվան տակ թաքնված: Վերջին հարցազրույցները միայն դա են վկայում: Մարդը հանրային հարթակ է տեղափոխում տարբեր «մտահոգություններ», որոնք մեծ հաշվով ռևանշիստների մուտիլովկեքի տրամաբանության մեջ են: Ի վերջո, Հրայր Թովմասյանը մեկն է, որը մշտապես իրավական ձևակերպումներ է տվել նախորդ իշխանությունների տարբեր ցանկությունների, ցանկություններ, որոնք նախևառաջ նպատակ ունեին սպանել պետական ինստիտուտները՝ հանուն անձնիշխանության: Ընդ որում՝ նա դա արել է թե՛ Երևանում, թե՛ Ստեփանակերտում: Ի վերջո, բացահայտ ցինիզմ է, երբ Արցախի համար սուլթանական սահմանադրություն գրողն իրեն համեմատում է սահմանին կանգնած զինվորի հետ: Իրավական ձևակերպում տվողներին թվում է, թե զինվորը սահմանին կանգնել է, որ Սերժն ու Բակոն ցմահ իշխանության լինեն: Ու սրանք ավելի վտանգավոր են հասարակության համար, քան նույնիսկ այդ նույն ցմահ իշխանութան ձգտողները: Հետևաբար քաղաքական գործիչ Հրայր Թովմասյանը կարող է ինքնահաստատվել Մելիք-Ադամյանի գրասենյակում, բայց ոչ երբեք հանդես գա որպես արդարադատություն իրականացնող»: