Գագիկ Խաչատրյանի կալանքը երկարաձգվեց

Երևանի ընդհանուր իրավասության դատարանը՝ դատավոր Արտուշ Գաբրիելյանի նախագահությամբ, քիչ առաջ որոշում կայացրեց բավարարել ԱԱԾ քննիչի միջնորդությունը և ՊԵԿ նախկին նախագահ Գագիկ Խաչատրյանի կալանավորման ժամկետը երկարաձգել։

«Ես ուղիղ չեմ ասում, որ կա քաղաքական ենթատեքստ, բայց եթե մի քանի պետական մարմիններ՝ կլինի իրավապահ, կլինի առողջապահական, բոլորն ինչ-որ կաշկանդվածություններ ունեն գործով, ուրեմն կարելի է շատ ենթադրություններ անել»,- ասաց պաշտպան Երեմ Սարգսյանը՝ նշելով, որ կան ակնհայտ խնդիրներ, որոնք, եթե հաշվի չեն առնվում պետական մարմինների կողմից, ուրեմն ինչ-որ կասկածներ են առաջացնում: «Այսինքն՝ այս տրամաբանությամբ եմ ուզում կառուցել հարցը և դժվարանում եմ պատկերացնել, որ բոլորն ուղղակի չեն հասկանում, որովհետև ես գիտեմ, որ էն մարդիկ, որոնք որոշումներ են կայացնում, ուղղակի ունակ են դա հասկանալու»,- եզրափակեց փաստաբանը: