«Վաղը որոնողական աշխատանքները կշարունակվեն նաև ափամերձ տարածքներում, միացեք». Հենրի Հովսեփյան

Օգտատեր Հենրի Հովսեփյանը Վանաձորից գրում է. «- Հը Վահե (ջրասուզակ Վահե Մելքոնյան-խմբ.) ջան, շատ ես հոգնել…
- Չէ՛ ախպերս…Ուղղակի չգտնելն է ավելի ուժասպառ անում…
Բայց աչքերը պատմում են այն, ինչ բառերով չի ասում։
Չգիտեմ՝ ինչպես նկարագրեմ այս Մարդուն։ Բառերս իսկապես քիչ են։ Եվս մեկ օր է մթնում, իսկ մենք դեռ սպասում ենք գոնե մի լուրի…
Վաղը (անհետ կորած 13-ամյա աղջկա) որոնողական աշխատանքներն ավելի լայնածավալ են լինելու։ Որոնումները կշարունակվեն ոչ միայն գետում, այլև ափամերձ տարածքներում։ Մեզ են միանում նաև այլ քաղաքներից ժամանած մարդիկ։
Սիրելի՛ հայրենակիցներ, եթե հնարավորություն ունեք, միացե՛ք վաղը որոնողական աշխատանքներին։ Յուրաքանչյուր ձեռք, յուրաքանչյուր քայլ, յուրաքանչյուր օգնություն կարևոր է։
Իսկ այս գիշեր եկե՛ք բոլորս աղոթենք…
Աղոթենք, որ վաղվա օրը բերի այն լուրը, որին այսքան սպասում ենք»: