Հինգշաբթի, 29 հոկտեմբերի, 2026 թ.
|
Ստեփանակերտում`   +9 °C

«Մի խայտառակեք «ռեսպուբլիկան», սա ձեզ համար պողոսների համար լայվ չի». Շարմազանով

«Մի խայտառակեք «ռեսպուբլիկան», սա ձեզ համար պողոսների համար լայվ չի». Շարմազանով
364
Երեքշաբթի, 05 նոյեմբերի, 2019 թ., 20:25

ՀՀԿ խոսնակ Էդուարդ Շարմազանովը ֆեյսբուքյան իր էջում գրել է. «Ի զարմանս ինձ, անցյալը մերժող քայլած իշխանության ներկայացուցիչներն ընդունում են, որ մենք՝ ՀՀԿ-ականներս, ՀԱՊԿ-ի խորհրդարանական վեհաժողովներում դատապարտել ենք Ադրբեջանի գործողությունները ՀՀ սահմանային բնակավայրերի և խաղաղ բնակչության նկատմամբ:

Ժամանակը հրաշալի սրբագրիչ է. արձանագրվում է երկու տարբերություն:

Առաջին. ես՝ որպես ՀՀ պատվիրակության ղեկավար, ՀԱՊԿ-ում առանց բացառության բոլոր ելույթներիս ժամանակ բարձրացրել եմ այդ խնդիրը, մինչդեռ այսօր ձեն ձուն չլսվեց:

Երկրորդ. ՀՀԿ իշխանության ժամանակաշրջանում ՀԱՊԿ-ն պաշտոնապես, գլխավոր քարտուղար Բորդյուժայի շուրթերով դատապարտեց և պրովոկացիա որակեց Ադրբեջանի գործողությունները:

Ի՞նչ ունենք այսօր. Նիկոլական վարչակարգի շնորհիվ նմանօրինակ գնահատականները բացակայում են:

Հ.Գ. Փաշինյանին էլ ասեք, որ դեռևս 2016 թ. մարտին Հայատանում տեղի է ունեցել ՀԱՊԿ ԽՎ խորհրդի առաջին արտագնա նիստը: Թե չէ ՀԱՊԿ ԽՎ անդամների աչքները ճակատներին թռավ, երբ ՀՀ վարչապետը ասաց՝ առաջին անգամ այսօր Հայաստանում տեղի է ունենում ՀԱՊԿ ԽՎ խորհրդի արտագնա նիստ:

Հ.Հ.Գ. Մի խայտառակեք «ռեսպուբլիկան», սա ձեզ համար պողոսների համար լայվ չի»:

Կարդացե՛ք նաև