«Նյուրնբերգյան դատավարությունն այսքան երկար չի տևել». Արամ Մանուկյանը՝ Մարտի 1-ի գործով դատավարության մասին
 144 Երկուշաբթի, 25 նոյեմբերի, 2019 թ., 16:30 ՀԱԿ փոխնախագահ Արամ Մանուկյանի գնահատմամբ՝ Մարտի 1-ի գործն իրենց ցանկալի արագությամբ չի ընթանում: «Մենք վստահ ենք, որ փաստերն այնքան շատ են, վկայություններն այնքան բազմազան ու հիմնավորված, փաստաթղթավորված, որ հարկավոր է արագ անել գործընթացը: Մի տեսակ հոգնեցնելու ձևով է գնում գործընթացը»,- ասաց նա: Հարցին, թե դա միտումնավո՞ր է արվում, Ա. Մանուկյանը նկատեց, որ միտումնավորություն կա միայն մեկ՝ Ռ. Քոչարյանի պաշտպանական խմբի կողմից: Նրանք ձգձգելու մարտավարություն են որգեգրել: «Ես կարծում եմ, որ դատավորն ամեն ինչ պետք է անի, որպեսզի մեղադրական ճառը դատարանում ընթեցվի: Նյուրնբերգյան դատավարությունը 1946թ. այսքան երկար չի տևել: Սա իրավական գործընթաց չէ: Սա պատմական նշանակության գործընթաց է, որը մեր ժողովրդի ճակատից պետք է այդ խարանը մաքրի»,- ամփոփեց ՀԱԿ փոխնախագահը: |
