Գևորգ Կոստանյանի նկատմամբ հետախուզում է հայտարարվել

ՀՀ նախկին գլխավոր դատախազ Գևորգ Կոստանյանի նկատմամբ հետախուզում է հայտարարվել, և ՀՔԾ-ն նրա նկատմամբ կալանավորումը որպես խափանման միջոց ընտրելու միջնորդություն է ներկայացրել դատարան: Այդ մասին MAMUL.am-ին հայտնեց ՀՔԾ մամուլի խոսնակ Մարինա Օհանջանյանը: Նա չբացահայտեց, թե նախկին գլխավոր դատախազին Քրեական օրենսգրքի ո՞ր հոդվածներով է մեղադրանք առաջադրվել:

Հիշեցնենք, որ նոյեմբերի 25-ին Հատուկ քննչական ծառայությունը Գևորգ Կոստանյանին Մարտի 1-ի գործով որպես մեղադրյալ ներգրավելու որոշում էր կայացրել և 48 ժամ տրամադրել՝ վարույթն իրականացնող մարմին ներկայանալու համար:

Ավելի վաղ MAMUL.am-ը հայտնել էր, որ Գևորգ Կոստանյանը չի վերադառնա Հայաստան: