«Բազմիցս խոսել ենք Արցախում բժշկական պարտադիր ապահովագրության անհրաժեշտության մասին». Հայկ Խանումյան

Արցախի ԱԺ ընդդիմադիր պատգամավոր Հայկ Խանումյանը ֆեյսբուքյան իր էջում գրել է. ««Ազգային վերածնունդ» կուսակցությունն իր ստեղծումից ի վեր խոսում է բժշկական պարտադիր ապահովագրության անհրաժեշտության մասին: Այս կետը եղել է նաև 2015թ. մեր նախընտրական արշավի հիմնական դրույթներից մեկը: Չգիտեմ, ի՞նչ ձևով այն կներդրվի՝ առողջապահական հարկի, թե՞ ֆիքսված գումարի տեսքով, սակայն նշեմ, որ այս թեմայով մեր կուսակցության առաջին դեմքերի մակարդակով շարունակում ենք տարբեր խորհրդակցություններ երևանյան գործընկերների և ոլորտի մասնագետների հետ, ուսումնասիրում մի շարք երկրների փորձը: Քարոզարշավի ժամանակ մեր մոտեցումների ամբողջ փաթեթը կներկայացնենք Արցախի ընտրողներին»: