Երեքշաբթի, 16 դեկտեմբերի, 2025 թ.
|
Ստեփանակերտում`   +1 °C

Վիտալի Բալասանյանն առաջադրվել է Արցախի նախագահի թեկնածու

Վիտալի Բալասանյանն առաջադրվել է Արցախի նախագահի թեկնածու
553
Շաբաթ, 30 նոյեմբերի, 2019 թ., 18:45

Այսօր Ստեփանակերտում կայացած «Արդարություն» կուսակցության արտահերթ համագումարը։

Համագումարը որոշում ընդունեց՝ 2020թ. նախագահական ընտրություններում «Արդարություն» կուսակցության կողմից առաջադրել Վիտալի Բալասանյանի թեկնածությունը:

«Քաղաքական այս պայքարի մեջ եմ մտնում հանուն մեր ժողովրդի համերաշխության և միասնության, հանուն արցախցու արժանապատվության: Առավել կարևրում ենք հետևյալը. Հայաստանը՝ որպես Արցախի և նրա բնակչության ֆիզիկական անվտանգության երախավոր, որքանո՞վ է համարժեք գնահատում և արձագանքում հայկական երկու պետություններին նետված նոր մարտահրավերներին: Արդյոք բավարար չափով են չեզոքացվում առկա սպառնալիքները:

2018-ին Հայաստանում տեղի ունեցած իշխանփոխության արդյունքում Արցախի խնդրի կարգավորման հարցում ստեղծվեց նոր իրավիճակ՝ պայմանավորված ՀՀ իշխանությունների որդեգրած նոր մոտեցումներով, սկզբունքներով, մարտավարությամբ և ռազմավարությամբ: ՀՀ-ում ստեղծված այս նոր իրողություններին արագ արձագանքեցին Ադրբեջանի իշխանությունները: Նրանց ռազմավարությունը մնաց նույնը՝ այն է՝ վերացնել Արցախի սուբյեկտայնությունը, տարածքը բռնակցել իրեն, իսկ տեղի բնակչության համար նախատեսել Բաքվի, Սումգայիթի, Գանձակի և հայկական այլ բնակավայրերի հայության ճակատագիրը, իսկ մարտավարության մեջ տեղի ունեցան փոփոխություններ»,-ասել է Բալասանյանը:

Կարդացե՛ք նաև