«Մեր տվյալները որևէ հիմք չեն տալիս՝ ենթադրելու, որ մոտ ապագայում ուժեղ երկրաշարժ է սպասվում». սեյսմոլոգ
![]() 506 Շաբաթ, 07 դեկտեմբերի, 2019 թ., 14:05 «Այսօրվա դրությամբ՝ մեր տվյալները որևէ հիմք չեն տալիս՝ ենթադրելու, որ մոտ ապագայում ուժեղ երկրաշարժ է սպասվում». այս մասին դեկտեմբերի 7-ին լրագրողների հետ հանդիպմանն ասաց ՀՀ ԱԻՆ սեյսմիկ պաշտպանության տարածքային ծառայության տնօրենի գլխավոր խորհրդական, երկրաբանական գիտությունների թեկնածու Հրաչյա Պետրոսյանը։ Նա հայտնեց, որ Ասիական բանկի աջակցությամբ մշակվում են սեյսմակայուն շինարարության նոր նորմերը: Գործն ավարտին կհասցվի շուտով: Եթե ներկայիս նորմերով թույլատրվում է կառուցել մինչև 16-18 հարկանի շենքեր՝ կախված դրանց առանձնահատկություններից, ապա նոր նորմերով՝ թույլատրելի է մինչև 24 հարկանի շենքերի կառուցումը: ՀՀ-ում, մասնավորապես Երևանում կարելի է տեսնել 24 հարկը գերազանցող կառույցներ: Հարցին, թե դրանք սեյսմիկ ուսումնասիրության ենթարկվե՞լ են, Հ.Պետրոսյանը հարցը վերահասցեագրեց քաղաքաշինության նախարարությանը՝ նշելով, որ դա այդ գերատեսչության պատասխանատվությամբ է արվում: Ամեն դեպքում՝ աշխարհում կան սեյսմիկ բարձր ռիսկայնության երկրներ՝ Չինաստան, Ինդոնեզիա, Ճապոնիա, որտեղ անգամ մինչև 50 հարկանի շենքեր են կառուցվում: Նման դեպքերում համապատասխան միջոցառումներ են արվում: Ըստ սեյսմոլոգի՝ Երևանում սեյսմիկ առումով ամենից վտանգավորը մինչև 1988-ը կառուցված 4-5 հարկանի շենքերն են: Դրանց մեծ մասը Աջափնյակ վարչական շրջանում են: ՀՀ ԱԻՆ սեյսմիկ պաշտպանության տարածքային ծառայության տնօրենի գլխավոր խորհրդականը հայտնեց, որ 1988-ի երկրաշարժի ժամանակ փլուզված շենքերի 10 տոկոսի դեպքում աղետի մեղքը բնակչությանն է եղել: «Երկու քարով կառուցված շենքերում քարերից մեկը հանում են, զգեստապահարան են կառուցում»,- նկարագրեց բանախոսը: Նրա վկայությամբ՝ Սպիտակի երկրաշարժից հետո ամենից ուժեղ՝ 7 բալ ուժգնությամբ երկրաշարժը տեղի է ունեցել 1992թ. դեկտեբերի 24-ին, Մարտունի քաղաքին մոտ: |
«Մեղադրյալը, դատարան չներկայանալով, չի խախտել իր նկատմամբ կիրառված խափանման միջոցը». Արթուր Ղամբարյան
6623:30«Դասական տեղեկատվական ծուղակ է այս ամենը». Արման Աբովյան
7523:18«Հարցվածների 71%-ը վստահում է Հայ առաքելական եկեղեցուն». Նաիրի Հոխիկյան
9422:48Դենիս Շմիգալը կգլխավորի Ուկրաինայի պաշտպանության նախարարությունը
13022:30«2 դեպք, միևնույն սկզբունք, բայց ՄԻՊ-ի կողմից՝ երկակի չափանիշ». Հինգ իրավապաշտպանների նախաձեռնություն
9122:18Ուկրաինան 10 միլիարդ դոլարի ամերիկյան զենք կստանա
14521:48«Արցախցու խնդիրը վերադարձն է, ոչ թե հարմարվելը կամ արտագաղթելը»․ Հակոբ Հակոբյան
18920:36Իգոր Սարգսյանի նամակը՝ ՔԿՀ-ից
17919:24