«Եթե այդ ծախսերը կատարվեն, ապա դրանք կլինեն հափշտակության դրսևորում». Ռուբեն Մելիքյան

Արցախի Մարդու իրավունքների նախկին պաշտպան Ռուբեն Մելիքյանը սոցցանցի իր էջում գրել է. «Մի տեղ աչքովս ընկավ, որ որոշ պետական կառույցներ իրենց բյուջեներում նախատեսել են «պատկառելի» միջոցներ՝ Ամանորյա կորպորատիվի (խնջույքների) համար։

Իմ կարծիքով՝ եթե այդ ծախսերն իսկապես կատարվեն, ապա դրանք կլինեն ոչ միայն կոռուպցիայի, այլև վատնման ձևով հափշտակության դրսևորում։

Պետական որևէ ծախս պետք է որևէ կապ ունենա տվյալ մարմնի և առհասարակ պետության ֆունկցիոնալության հետ։ Կոլեկտիվով հավաքվել, Նոր տարի նշելն ի՞նչ կապ ունի պետական կամ տեղական ինքնակառավարման մարմնի ֆունկցիոնալության հետ։ Ո՞վ կարող է բացատրել։

Հուսով եմ՝ այս պարզ ճշմարտությունը նորաստեղծ Կոռուպցիայի կանխարգելման հանձնաժողովը կկոմունիկացնի՝ ում որ հարկն է։

Ժամանակին ես ձեր հաշվին կորպորատիվ արե՞լ եմ, որ հիմա դուք մեր հաշվին անում եք»։