«Բա էլ ինչո՞ւ Սերժ Սարգսյանի խնամին փախավ արտասահման». Հմայակ Հովհաննիսյան

Քաղաքագետների միության նախագահ Հմայակ Հովհաննիսյանը ֆեյսբուքյան իր էջում գրել է. «Եթե ծննդատներն ու հիվանդանոցները սեփականաշնորհվել են հայտնի օլիգարխներին և առողջապահական հաստատություններից վերածվել են անսքող դրամաշորթության միջոցների, ոչ մի զարմանալու բան չկա, որ բժիշկ կոչեցյալների մեջից պետք է առաջին պլանում հայտնվեին Ռազմիկ Աբրահամյանի նման հրեշները: Այնտեղ յուրաքանչյուր օր ու ժամ կատարվում են մարդասպանություններ հանուն մամոնայի: Հանցագործ Սերժիկ Սարգսյանը և նրա ավազակախմբի պարագլուխները, ովքեր վերջնականապես կործանեցին Հայաստանում անվճար առողջապահության համակարգը և իրար մեջ բաժանեցին բոլոր բուժհաստատությունները, արեցին դա հենց դրա համար՝ քյասիբներին սպանելու ու նրանց օրգանները հարուստներին վաճառելու, չունևորների երեխաներին հարուստ արտասահմանցիներին վաճառելու նպատակով: Իսկ իրենք, ինչպես Սերժիկ Սարգսյանը, այդ ընթացքում ցողունային բուժումներ էին ստանում արտասահմաններում, քանզի գիտեին, թե ինչ «առոջապահական» համակարգ են ստեղծել երկրի ներսում: Բա էլ ինչո՞ւ Սերժ Սարգսյանի խնամի Արա Մինասյանը, որը տասը տարի շարունակ փաստացիորեն ղեկավարել է «առողջապահական» մաֆիայի գործունեությունը Հայաստանում, փախավ արտասահման և այդպիսով խույս տվեց արդարադատությունից»: