«Զինակոչիկների բուժզննության ընթացքում չի պահպանվում անձնական գաղտնիության սկզբունքը». ՀՔԱ ծրագրերի համակարգող

ՀՔԱ Վանաձորի գրասենյակի խաղաղասիրական ծրագրերի համակարգող Արմինե Սադիկյանը «Զորակոչիկների իրավունքների վիճակը 2018 ձմեռային և 2019 ամառային զորակոչերի ընթացքում» թեմայով քննարկմանը հայտնեց, որ ներկայիս իշխանության ժամանակ, ի տարբերություն նախորդների, իրենց ավելի հաճախ դիմում են ոչ թե զինակոչիկների ծնողները, այլ իրենք՝ զինակոչիկները: Ոմանք վերադասության կարգով բողոքարկել են իրենց առողջական վիճակի եզրակացությունը: Արդյունքում 14 հոգի ճանաչվել է ոչ պիտանի ծառայության համար, 4-ն էլ ժամանակավոր է ծառայության համար ոչ պիտանի համարվել, այսինքն՝ 3 տարով տարկետում են ստացել: 1 հոգու էլ տարկետման իրավունք է տրվել՝ ընտանեկան հանգամանքների առկայության հիմնավորմամբ:

ՀՔԱ Վանաձորի գրասենյակի խաղաղասիրական ծրագրերի համակարգողը նշեց նաև, որ զինակոչիկների բուժզննության ընթացքում չի պահպանվում անձնական գաղտնիության սկզբունքը:

«Զորակոչիկների զննության, փորձաքննության ընթացքում ներկա են լինում այլ զորակոչիկներ, կամ կողմնակի անձինք: Խնդիրն այն է, որ այդ դեպքերում զորակոչիկները որոշ հիվանդությունների գանգատներ այլոց ներկայությամբ կարող են չներկայացնել»,- ասաց Ա.Սադիկյանը:

Շատ դեպքերում զինակոչիկներին լրացուցիչ հետազոտությունների չեն ուղարկում՝ հիմնավորելով, թե ՄՌՏ-ն թանկ է:

Դրական փոփոխոթյուն կա մի հանգամանքում. քաղաքացիների դիմումների դեպքում զինկոմիսարիատները տրամադրում են բուժփաստաթղթերը: «Բայց բուժհաստատությունները, որոնց պարտավորությունը սահմանվել է կառավարության որոշմամբ, հրաժարվում են տրամադրել բժշկական փաստաթղթերը: