«Ամերիկացիները չեն համարձակվի լայնամասշտաբ պատերազմ սկսել»․ իրանցի գեներալ

Իրանի բանակի գլխավոր հրամանատար Սեյեդ Աբդոլ Ռահիմ Մուսավին կասկածում է, որ ԱՄՆ-ն կհամարձակվի Իրանի դեմ լայնամասշտաբ պատերազմ սկսել: Այս մասին հաղորդում է Reuters գործակալությունը՝ վկայակոչելով տեղական հեռուստատեսությանը։
«Ապագա հնարավոր հակամարտությանը, որը, կարծում եմ, նրանք [խմբ․՝ ամերիկացիները] չեն համարձակվի սկսել, պարզ կդառնա, թե ինչին են վերաբերվում հինգ և երկու թվերը»,- նշել է գեներալ-մայոր Մուսավին՝ մեկնաբանելով Իրանում թիրախների վրա հարվածներ հասցնելու ամերիկյան ղեկավարության սպառնալիքները:

Հիշեցնենք՝ ԱՄՆ նախագահ Դոնալդ Թրամփը Twitter-ի իր էջում գրառում էր կատարել և սպառնացել, որ հավանական հարձակման դեպքում շատ կոշտ հարված կհասցնի իրանական 52 օբյեկտների, եթե ի պատասխան, Իսլամական Հանրապետությունը ցանկացած հավանական հարձակում կազմակերպի ամերիկացիների կամ ամերիկյան օբյեկտների վրա։