«Նախկին վարչակարգի վարձկանները փորձում են համոզել, որ պաշտոնական Երևանը պետք է սգար Սուլեյմանիի մահվան պատճառով». Գ. Գալստյան

Քաղաքագետ Գևորգ Գալստյանը ֆեյսբուքյան իր էջում գրել է. «Նախկին՝ ռեպրեսիվ, վարչակարգի վարձկաններն ամեն կերպ փորձում են համոզել, որ պաշտոնական Երևանը պետք է «սգի մեջ կորեր» իրանցի գեներալի հետ պատահած դեպքի պատճառով և, որ մյուս բոլոր մոտեցումները սխալ են: Իրանի Իսլամական Հանրապետությունը մեր պետությանն օգտակար լինելու մեծ ներուժ և ռեսուրս ունի, որի շոշափելի կերպով իրականացումը, ըստ էության, մեզ համար շարունակում է մնալ ցանկալիի հարթությունում: Դրանցից մեկը Հայոց Ցեղասպանության՝ ԻԻՀ կողմից ճանաչումն է:
Երբ պաշտոնական Թեհրանը ակնկալում է տարածաշրջանի պետությունների կողմից գեներալ Սոլեյմանիի դեպքի դատապարտումը, պետք է հստակ գիտակցի, որ ինչպես իրենք ունեն որոշ հարցերի հանդեպ չեզոքություն պահպանելու պատճառներ, այնպես էլ մենք կարող ենք ունենալ պատճառներ, որոշ հարցերում բաց ճակատով առաջ չնետվելու համար»: