Քարվաճառում դասադուլ անող դպրոցականի գրառումը

Ֆեյսբուքյան օգտատեր Վլադիմիր Գրիգորյանը հրապարակել է Քարվաճառում դասադուլ իրականացնող դպրոցականի գրառումը. «Շատ է քննարկվում մեր՝ քարվաճառցի դպրոցականներիս՝ ԴԱՍԱԴՈՒԼԻ տեսքով նախաձեռնած բողոքի ակցիան՝ ընդդեմ շրջանում փոքր հէկաշինության անթույլատրելի չափերի: Նախ ասեմ, որ մենք ունենք հասուն միտք՝ ինքնուրույն որոշում կայացնելու համար, և ՈՉ մեկը մեզ չի ուղղորդել։ Մենք այսօր որոշել ենք ժամանակ տալ՝ մեր պահանջը կատարելու համար՝ այն է պատշաճ և վստահելի հանձնաժողով ստեղծել՝ առկա և կառուցվող հէկ-երի վերաբերյալ եզրակացություն կազմելու համար: Մեր որոշումը մենք կայացրել ենք ինքնուրույն, առանց որևե ճնշման։ Այս որոշումն ընդունելը համընկել է Արցախի ՄԻՊ Արտակ Բեգլարյանի՝ մեզ հետ հանդիպման հետ, սակայն Արտակ Բեգլարյանն այս որոշումն ընդունելու վրա որևէ ազդեցություն չի ունեցել: Սա մեր՝ քարվաճառցի դպրոցականներիս, միակ պաշտոնական հայտարարությունն է այսօրվա իրադարձությունների վերաբերյալ»:

Հ. Գ. Սա էլ ուղարկեք ՀՀ արտաքին գործերի նախարարին, որ օրերով ընթացող բանակցություններում բոլորի համար դարձնի լիարժեք հասկանալի, թե ինչ սերունդ է մեծացել Քարվաճառում, Քաշաթաղում ու առհասարակ ողջ Արցախում և ինչ էր նա կարող է անել, եթե հանկարծ էլի...»: