«ՀՀ իշխանությունը ծպտուն չի հանում՝ թավշախեղդ է եղել». Վարուժան Ավետիսյան

«Սասնա ծռեր» կուսակցության համակարգող Վարուժան Ավետիսյանը ֆեյսբուքյան իր էջում գրել է․ «Սասնա ծռեր» կուսակցության համակարգող Վարուժան Ավետիսյանը ֆեյսբուքյան իր էջում գրել է․ «Ալեքսանդր Քանանյանն արդեն 12 օր հացադուլ է անում։ Նրան միացած Մհեր Պողոսյանը՝ 6 օր։
Պահանջը՝ դադարեցնել Քարվաճառում ապօրինի հէկ-աշինությունը և դրա հետևանքով Արցախին սպառնացող ամայացումը։
ՀՀ իշխանությունը, շարունակելով Արցախի կեղծ անկախության թատրոնը, բերանը ջուր է առել ու ծպտուն չի հանում։
Թավշախեղդ է եղել։
Իսկ ստեփանակերտյան բանդան, օգտվելով Երևանի հանցավոր անգործությունից, ջանք ու եռանդ չի խնայում քրեական, ենիչերիաբարո աած-ոստիկանական և վարչական լծակների կիրառմամբ Ալեքսանդր Քանանյանի պահանջին միացած բնակիչներին ու դպրոցականներին ճնշելու և պայքարը խեղդելու նպատակով։
Քանի՞ Ալեքսանդր Քանանյան կա ամբողջ քաղաքական վերնախավում։ Քանի՞ Արցախ կա Հայքում։
Մտածե՞լ եք, թե ում եք անտեսում և ինչի՞ նկատմամբ եք անտարբեր ու ոտնձգող։
Իմացե՛ք, որ Ալեքսանդր Քանանյանը մերօրյա լուսավորյալ Խաչատուր Աբովյանն է։
Լուսավորյալ քուրմ, որ զինվոր է դարձել, որովհետև զինվորի պաշտոն ունեցողները կամ գող են, կամ էլ՝ գողին ընկերակից։
Եթե, չտա Աստված, անդառնալի կերպով վնասվի նրա կամ Մհերի առողջությունը կամ Արցախի բնությունը, պատասխան եք տալու Հայքի և հայ ազգի առաջ։
Հատկապես ստեփանակերտյան բանդան պետք է ականջին օղ անի, որ իր ժամանակը լրացած է և իր երգը երգված է։
Հայկական Նյուրնբերգը շատ չի ուշանալու»։