«Շատ ծանր հարցեր կլինեն Սերժ Սարգսյանի համար». Անդրիաս Ղուկասյան

Արդեն հայտնել էինք, որ ԱԺ Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը հայտարարել էր, որ Ապրիլյան պատերազմի հանգամանքներն ուսումնասիրող քննիչ հանձնաժողովը մտնում է վերջնական փուլ: Նա նաև հայտնել էր, որ ՀՀ 3-րդ նախագհ Սերժ Սարգսյանը շուտով կպատասխանի հանձնաժողովի հարցերին:

«Հայ կառուցողական կուսակցության» նախագահ Անդրիաս Ղուկասյանը Factor TV-ի եթերում այս առնչությամբ ասել է. «Ես ենթադրում եմ՝ շատ ծանր հարցեր կլինեն Սերժ Սարգսյանի համար: Օրինակ՝ ինչո՞ւ Հայաստանն այդ հարձակումից անմիջապես հետո որևէ քաղաքական հայտարարությամբ, որևէ քաղաքական գործողությամբ Ադրբեջանին նոտա չի հղել, որ այդ գործողություններն անթույլատրելի են, և Հայաստանը իրացնում է իր՝ Արցախի երաշխավոր հանդիսանալու պարտականությունը: Այսինքն՝ Հայաստանը դե ֆակտո պետք է այդ հայտարարությունն աներ՝ դրանից բխող քաղաքաիրավական հետևանքներով: Ինչո՞ւ Հայաստանը դա չի արել: Երկրորդ հարցը՝ ինչո՞ւ Սերժ Սարգսյանն անձամբ թաքցրեց միջազգային հանրությունից, որ այդ ռազմական գործողությունների արդյունքում հրադադարի գիծը, որը, ըստ միջազգային իրավունքի, անձեռնմխելի է՝ ինչպես պետական սահմանը… ինչո՞ւ ապրիլի 4-ին իր հանդիպման ժամանակ միջազգային հանրությունից թաքցրեց, որ տեղի է ունեցել հրադադարի գծի էական փոփոխություն»:

Մանրամասն՝ տեսանյութում: