«Սա Ադրբեջանի ռազմական կառույցի 2020թ. առաջին մարտավարական ուսումնավարժանքն է». Կ. Հովհաննիսյան

Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Ադրբեջանի ԶՈՒ-ն Նախիջևանում անցկացնում է ռազմաուսումնական վարժանքներ: Վարժանքներին մասնակցում են ինչպես Նախիջևանի կայազորը, այնպես էլ Ադրբեջանի հատուկ նշանակության ջոկատները: Ուսումնական վարժանքն ընթանում է գիշերային, բնակլիմայական վատ պայմաններում հակառակորդի թիկունք ներթափանցելու և ռազմական գործողություն իրականացնելու սցենարով: Սա Ադրբեջանի ռազմական կառույցի 2020-ի առաջին մարտավարական ուսումնական վարժանքն է, որի մեկնարկը տրվել է Նախիջևանում: Այս ուսումնական վարժանքն առանձնանում է մինչ այս եղածներից նրանով, որ Նախիջևանի կայազորին տրվել է լիակատար հրամանատարության իրավունք կազմակերպելու Նախիջևանի պաշտպանությունը և ռազմական գործողությունների տեղափոխումը հակառակորդի դաշտ»: