Սիրիական բանակն ամբողջովին ազատագրել է Հալեպը և դրա արվարձանները

1055

Երկուշաբթի, 17 փետրվարի, 2020 թ., 12:25

Սիրիական բանակն ամբողջովին ազատագրել է Հալեպ քաղաքը և դրա արվարձանները, տեղեկացնում է Al-Maydain-ը:

Հայտնի է, որ սիրիական զորքերը՝ «Ջեբհաթ ան-Նուսրա» ահաբեկչական խմբավորման հետ բախումից հետո ազատագրել են Հալեպից դեպի արևմուտք գտնվող Ալ-Զահրա թաղամասի բոլոր տարածքները և ընդլայնել իրենց վերահսկողությունը շրջանի հյուսիս-արևմուտքում գտնվող Հուրիտան քաղաքում: Գրոհայինները, առանց դիմադրության, կառավարական զորքերին են հանձնել Հալեպի հյուսիս-արևմուտքում գտնվող Քաֆր Համրա, Հայյան, Անադան, Հրեյթան և Լերամուն շրջանները։

Մարտական գործողությունների ընթացքում 23 բնակավայր է անցել կառավարական ուժերի վերահսկողության տակ: Ահաբեկիչները նահանջել են նաև Իդլիբ-Հալեպ և Դամասկոս-Հալեպ ճանապարհներից:
Հայտնի է, որ Հալեպում քաղաքի ազատագրման առիթով տոնակատարություններ կանցկացվեն: