Ձնահյուսի տակ մնացած զինվորականները հետմահու պարգևատրվել են

ՀՀ նախագահի կողմից հետմահու պետական պարգևի են արժանացել պայմանագրային զինծառայողներ՝ կրտսեր սերժանտ Տիգրան Արզումանյանը, կրտսեր սերժանտ Նվեր Շահբազյանը և շարքային Կարապետ Նազարյանը: «Մարտական ծառայության» մեդալները զինվորականների ծնողներին է հանձնել 4-րդ զորամիավորման հրամանատար, գնդապետ Ա. Բուդաղյանը:

Զորամիավորման հրամանատարը ցավակցության և զորակցության խոսքեր է ուղղել փետրվարի 7-ին Սյունիքի մարզում ձյան սողանքի հետևանքով մահացած զինծառայողների հարազատներին: