Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Սերժ Սարգսյանն իր մեղադրանքին ոչ համապատասխան պատասխան է տվել». Անդրանիկ Քոչարյան

«Սերժ Սարգսյանն իր մեղադրանքին ոչ համապատասխան պատասխան է տվել». Անդրանիկ Քոչարյան
997
Ուրբաթ, 28 փետրվարի, 2020 թ., 13:10

Սերժ Սարգսյանն իր դատավարության առաջին օրը դիմելով իր աջակիցներին՝ ասաց, որ Արցախը չի լինելու Ադրբեջանի կազմում, նորմա՞լ են այդ հայտարարությունները, թե՞ կարող են այս կամ այն կերպ վնասել. ԱԺ-ում ճեպազրույցի ժամանակ, ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանն ասաց. «Սերժ Սարգսյանն իր մեղադրանքին ոչ համապատասխան պատասխան է տվել: Իր մեղադրանքը վերաբերում է դիզվառելիքին, Սերգո Կարապետյանի ցուցմունքին, իր թիմակից Բարսեղ Բեգլարյանի մասնակցությանն այդ ոչ իրավական գործընթացին՝ նախկինում իր պաշտոնավարման ժամանակ, իսկ Արցախի հետ կապված խնդիրներին այսօրվա իշխանություններն այնպիսի հստակ ձևակերպում և անվանում են տվել՝ «Մյունխենյան սկզբունքներ», որ Սերժ Սարգսյանի հայտարարությունների հետ բացարձակ կապ չունեն»:

Հարցին՝ ե՞րբ են պատրաստվում հարցաքննել Սերժ Սարգսյանին, Ա. Քոչարյանն արձագանքեց. «Երբ ուզեք: Եղե՞լ է ես մի բան ասեմ՝ ուշանա: Հասունացած պտուղը պետք է քաղել»:

Տեսանյութը՝ Ազատության