#COVID_19 կորոնավիրուսից մահացության ցուցանիշով աշխարհում Իտալիան զբաղեցնում է առաջին տեղը

Իտալիայում յուրաքանչյուր քսաներորդ հիվանդը մահանում է նոր տեսակի կորոնավիրուսից, համաձայն РИА Новости-ի կողմից պատրաստած վիճակագրության ամփոփագրի։

Մարտի 8-ի դրությամբ՝ երկրում հիվանդության զոհերի թիվը հասել է 366-ի, որը կազմում է երկրում կորոնավիրուսով վարակված 7,3 հազար հիվանդի 4.96%-ը: Մահացության ցուցանիշով երկրորդ տեղն զբաղեցնում է Միացյալ նահանգները: Այնտեղ հաստատվել է հիվանդության 472 դեպք, մահացել է 19 մարդ (4.03%):
Երրորդ տեղում Չինաստանն է (3,83%), Իրանը զբաղեցնում է չորրորդ տեղը (2,96%):

Նախօրեին՝ Իտալիայի վարչապետ Ջուզեպպե Կոնտեն արգելափակել է 14 վարչական շրջանների մուտքն ու ելքը՝ կորոնավիրուսի բռնկման պատճառով: Այդ թվում՝ Լոմբարդիան, Ռիմինին, Մոդենան, Նովարան և այլն: Շրջանները փակ կլինեն մարտի 8-ից ապրիլի 3-ը: Բացի այդ, 14 շրջաններում ժամանակավորապես կփակվեն դպրոցները, թանգարանները, մարզադահլիճները: