#COVID_19 կորոնավիրուսով վարակվածների թիվն աշխարհում գերազանցել է 141.000-ը

1454

Շաբաթ, 14 մարտի, 2020 թ., 15:05

Համաձայն ՉԺՀ առողջապահության հարցերով պետական կոմիտեի տվյալների՝ երկրում գրանցվել է կորոնավիրուսի 80,824 հաստատված դեպք: Ամբողջ աշխարհում վարակվածների թիվը, ըստ SCMP-ի, գերազանցել է 141,594-ը: Առողջապահության համաշխարհային կազմակերպության տվյալներով, Չինաստանից դուրս հայտնաբերվել է 51,767 վարակակիր, իսկ օրվա ընթացքում հաստատվել է 7,488 նոր դեպք, վարակը հայտնաբերվել է 122 երկրում (մեկ օրվա ընթացքում ավելացել է 5 երկիր): Չինաստանից դուրս կորոնավիրուսից մահացել է 1,775 մարդ: Ամբողջ աշխարհում կորոնավիրուսի վարակի արդյունքում ապաքինվող մարդկանց թիվը գերազանցել է 68 հազարը, հայտնում է Չինաստանի Առողջապահության ազգային հանձնաժողովը: 5,399 մարդ մահացել է COVID-2019-ի հետևանքով առաջացած բարդություններից։

ԱՄՆ-ի նախագահ Դոնալդ Թրամփն արտակարգ դրություն է հայտարարել ՝ կորոնավիրուսի հետ կապված: Ըստ Թրամփի՝ կորոնավիրուսի դեմ պայքարի ֆինանսական հատկացումները կհասնեն 50 միլիարդ դոլարի: