«Մենք ոչ թե պետք է խեղճանանք ճգնաժամի ընթացքում, այլ՝ ուժեղանանք». Փաշինյան

«Մեր աշխատանքները հիմնականում երեք ուղղությամբ ենք տանելու»,- այսօր վարչապետի մոտ կայացած խորհրդակցության ժամանակ ասել է Նիկոլ Փաշինյանը։

«Տնտեսական հրատապ գործողություններ, սոցիալական հրատապ գործողություններ և տնտեսական բնույթի ռազմավարական գործողություններ։ Մենք կոնկրետացրել ենք մեր պատկերացումներն այդ գործողությունների վերաբերյալ և հիմա հստակ կարող ենք ասել, որ մենք կիրականացնենք մեր խնդիրը՝ էականորեն փոխել Հայաստանի տնտեսական վիճակն ու դիրքն աշխարհում։ Մանավանդ որ, ի հեճուկս համաշխարհային ճգնաժամի, Հայաստանը շարունակում է բարելավել իր տնտեսական իմիջը միջազգային ռեյտինգներում ՝ նաև կորոնավիրուսի պայմաններում։

Այս փուլում մեր խնդիրը պետք է լինի ոչ միայն մեր տնտեսվարողներին աջակցելը և մեր մրցունակությունը ավելացնելը, այլև շատերին պետք է տեսանելի լինի աշխարհում, որ հետճգնաժամային պայմաններում Հայաստանը տնտեսվարությամբ զբաղվելու լավագույն վայրերից է աշխարհում»,-ասել է նա:

Վարչապետը նշել է, որ Կառավարությունը պետք է նաև բաց լինի առաջարկների համար. «Պետք է հաղորդակցություն ունենանք քաղաքական և հասարակական այն շրջանակների հետ, ովքեր գաղափարներ ունեն մեզ հետ կիսելու։ Բոլոր օգտակար գաղափարները պետք է ի գիտություն ընդունենք։

Մենք ոչ թե պետք է խեղճանանք ճգնաժամի ընթացքում, այլ ուժեղանանք և աջակցենք նրանց, ովքեր ուզում են ուժեղանալ»,– ասել է Փաշինյանը:

Մանրամասները՝ տեսանյութում: