Գնդապետը՝ բանակում իրականացվող կանխարգելիչ միջոցառումների մասին

Կառավարության մամուլի կենտրոնում կայացած ասուլիսի ընթացքում ՀՀ ԶՈՒ ռազմաբժշկական վարչության պետ, գնդապետ Սահակ Օհանյանը հաստատեց, որ այս պահի դրությամբ զինված ուժերում կորոնավիրուսի դեպք չի արձանագրվել:

Նա տեղեկացրեց, որ զինվորները չեն շփվում քաղաքացիական անձանց հետ, բոլոր տեսակցությունները սահմանափակված են: Այն զինվորականներն ու աշխատակիցներն, ովքեր երեկոյան տուն են գնում, պետք է ամեն կերպ սահմանափակեն շփումները քաղաքացիների հետ: Նրանք ամեն անգամ աշխատանքի վերադառնալիս ջերմաչափում են անցնում անհպում ջերմաչափերով: