Հինգշաբթի, 02 ապրիլի, 2020 թ.
|
Ստեփանակերտում`   +6 °C

«Իմ հիմնական վեճն Արցախի կառավարության հետ եղել է տնտեսության կառուցվածքի շուրջ»․ Հայկ Խանումյան

«Իմ հիմնական վեճն Արցախի կառավարության հետ եղել է տնտեսության կառուցվածքի շուրջ»․ Հայկ Խանումյան
103
Շաբաթ, 21 մարտի, 2020 թ., 19:00

Արցախի Հանրապետության նախագահի թեկնածու Հայկ Խանումյանը գրել է․ «Վերջին 5 տարիների ընթացքում իմ հիմնական վեճն Արցախի կառավարության հետ եղել է տնտեսության կառուցվածքի շուրջ: Մեր տնտեսությունը մեծապես կախված է մեկ հանքանյութի գներից: Տնտեսության օլիգարխիկ կառուցվածքը, պետական աջակցության ծրագրերը մեծամասամբ բարձրաստիճան պաշտոնյաների և նրանց նեղ շրջապատի բիզնեսներին ուղղելը հնարավորություն չի տվել բազմակի մեծացնել վերամշակող ձեռնարկությունների և այլ ճյուղերի բաժինը մեր տնտեսության մեջ: Պղնձի գների անկումը բերել էր Արցախի սեփական եկամուտների անկմանը 2,5 միլիարդ դրամով: Երևանն ավելացրել էր միջպետական վարկը 8 միլիարդ դրամով՝ ավելացած թոշակներն ու աշխատավարձերը վճարելու համար: 2020թ. սկզբին պղնձի գները եղել են տոննայի դիմաց 6300 դոլար, նոր կորոնավիրուսով պայմանավորված այն իջել է մինչև 4700-ի և դեռ իջնում է: Մենք լուրջ խնդիրներ ենք ունենալու բյուջեում սեփական եկամուտների նշած ցուցանիշներն ապահովելու գործում (53 միլիարդ դրամ) և սրա մեղավորը տարիներ ի վեր վարվող քաղաքականությունն է, որի գլխավոր նպատակը իշխանության և բիզնեսի միաձուլումն է եղել»: