ԱՄՆ-ն առաջին տեղում է #COVID_19 կորոնավիրուսի հաստատված դեպքերի թվով․ #TheNewYorkTimes

ԱՄՆ-ն առաջ է անցել այլ երկրներից՝ նոր տիպի կորոնավիրուսի հաստատված դեպքերի թվով։ Այս ցուցանիշները հրապարակել է New York Times-ը՝ հղում անելով Ջոն Հոփքինսի համալսարանի հետազոտական կենտրոնների տվյալներին։

Ըստ թերթի՝ ԱՄՆ-ում հայտնաբերվել է 82 404 դեպք, մահացել 1 178 մարդ: Երկրորդ տեղում Չինաստանն է, որտեղ գրանցվել է 81 782 դեպք և 3 291 մահ, իսկ երրորդ տեղում՝ Իտալիան․ վարակի 80 589 դեպք, մահվան՝ 8 251:

ԱՄՆ-ում ամենաշատ դեպքերը գրանցվել են Նյու Յորք նահանգում (37 802), Նյու Ջերսիում (6 876) և Կալիֆորնիայում (3 802):

The New York Times-ը նշել է, որ ԱՄՆ-ում իրավիճակը սրվել է «սխալների և բաց թողնված հնարավորությունների» հետևանքով: Գիտնականները նախազգուշացրել են, որ ԱՄՆ-ն ինչ-որ մի պահի կդառնա պանդեմիայից առավել տուժած երկիրը: