«Կառավարության բարի կամքի վրա այս հարցում չպետք է հիմնվենք». Սամվել Մարտիրոսյան

Մեդիա փորձագետ Սամվել Մարտիրոսյանն իր էջում գրում է. «ԱԺ-ում քննարկվող փաթեթը ենթադրում է քաղաքացի, որի հեռախոսազանգերի մետա-տվյալների հավաքագրում, այսինքն՝ ում է զանգել, երբ, որքան է տևել զանգը, առանց դրա բովանդակության։ Անկասկած, հիանալի է, որ բովանդակությունը չի ձայնագրվելու։ Սակայն սա անհամաչափ միջոցների կիրառում է, քանի որ հայտնի չէ, թե սա ո՞նց կարող է օգնել կարանտինի տեսանկյունից։ Իսկ այ, օրինակ, քաղաքական վերահսկողության տեսանկյունից սա լավ գործիք է։ Երկրորդը՝ հարկավոր է ստեղծել հանրային վերահսկողություն տվյալների հավաքագրման և ապագայում ոչնչացման։ Կառավարության բարի կամքի վրա այս հարցում չպետք է հիմնվենք»։