«ՖՍԲ-ԿԳԲ-ական ագենտուրան նույն ազդեցությունն ունի, ինչ՝ կորոնավիրուսի համավարակը». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է. «Կորոնավիրուսի համավարակը բացահայտեց մարդկային գլոբալ քաղաքակրթության շատ համակարգային խնդիրներ, որոնց լուծումների ուղղությամբ միջոցներ անպայման կգտնվեն:

Բայց կա մեկ հիմնախնդիր, հատկապես հետխորհրդային, նաև հետսոցիալիստական տարածաշրջանի պետությունների մեծ մասի համար, որի լուծումն ունի կենսական և առաջանային նշանակություն ժողովրդավարական և իրավական պետության և նրա քաղաքացիների անվտանգության համար:

Դա ԿԳԲ-ՖՍԲ-ական արդեն իսկ բացահայտված ագենտուրայի և դեռևս չբացահայատված ագենտուրայից զտումն է պետական կառավարման և քաղաքական համակարգերի:

ՖՍԲ-ԿԳԲ-ական ագենտուրան նույն ազդեցությունն ունի ժողովրդավարական ինստիտուտների վրա, ինչպես կորոնավիրուսի համավարակը:

Առանց այս ԿԳԲ-ՖՍԲ-ական համավարակի կանխարգելման որևէ ոչ միայն ժողովրդավարական, այլ ընդհանրապես որևէ զարգացում հնարավոր չէ:

Ուղղակի վխտում են ամենուր դրանց վիրուսներն ու վիրուսակիրները, առանց որևէ ախտորոշման ենթարկվելու ու կանխարգելման:

Ով դեմ է նման զտմանն ու լյուստրացիային, միանշանակ, ՖՍԲ-ԿԳԲ-ի շահերի պաշտպանության կրողն է»: