Հինգշաբթի, 04 հունիսի, 2020 թ.
|
Ստեփանակերտում`   +22 °C

«Ինձ զանգած կինը լացակումած պատմեց, որ իր և իր նման շատ շատերի ընտանիքները սովի են մատնված»․ Վ․ Ավետիսյան

«Ինձ զանգած կինը լացակումած պատմեց, որ իր և իր նման շատ շատերի ընտանիքները սովի են մատնված»․ Վ․ Ավետիսյան
72
Հինգշաբթի, 09 ապրիլի, 2020 թ., 10:15

«Սասնա Ծռեր» կուսակցության քարտուղարության համակարգող Վարուժան Ավետիսյանը ֆեյսբուքյան իր էջում գրել է. «ԱՀԱԶԱՆԳ
Քիչ առաջ ինձ զանգեց մի ծանոթ կին։ Նա մինչ արտակարգ դրությունը փողոցում առևտուր անելով է օրվա հացը վաստակել։
Լացակումած պատմեց, որ իր և իր նման շատ շատերի ընտանիքները բառիս բուն իմաստով սովի են մատնված։
Նրանց մեծ մասը վարձով է ապրում։ Շատերին արդեն հանել են վարձու բնակարաններից, քանի որ չեն կարողանում բնակվարձը վճարել։
Ոմանք արդեն մուրացկանությամբ են զբաղվում մի կտոր հաց հայթայթելու համար։
Ապրիլի 9-ից նախատեսված՝ օգնություն տրամադրելու գործընթացն իրականում տեղ կհասնի որոշ ժամանակ անց, մինչդեռ մարդիկ հենց այս պահին հաց չունեն։
Ըստ նրա՝ սոցիալական աջակցության կառույցները և իշխանության ներկայացուցիչները չեն արձագանքում, իսկ արձագանքելու դեպքում էլ խնդիրը լուծելու ճանապարհ ցույց չեն տալիս։
Իշխանությունը պարտավոր է ժամ առաջ միջոցներ ձեռնարկել կյանքի դժվարին կացության մեջ հայտնված մեր հայրենակիցներին գտնելու, հաշվառելու և նրանց հացի ու այլ կենսական կարիքները բավարարելու ուղղությամբ»։