Թուրքիայի 30 քաղաքներում հանգստյան օրերին պարետային ժամ է սահմանվել

1289

Շաբաթ, 11 ապրիլի, 2020 թ., 12:20

Թուրքիայի իշխանությունները պարետային ժամ են սահմանել՝ կապված կորոնավիրուսի համավարակի բռնկման հետ։ Երկրի 30 խոշոր քաղաքների և հյուսիսարևմտյան Զոնգուլդակ նահանգի բնակիչներին ապրիլի 11-ին և 12-ին արգելվում է փողոց դուրս գալ։ Այս մասին հայտնում է երկրի ՆԳՆ-ը, փոխանցում է Korrespondent-ը։ Նշվում է, որ արգելքը կսկսի գործել ապրիլի 11-ի ժամը 00։00-ից մինչև ապրիլի 13-ը՝ ժամը 00։00-ն։

Սահմանափակումները վերաբերում են նաև Անկարային ու Ստամբուլին։

Համաձայն Anadolu գործակալության տվյալների՝ ապրիլի 10-ին երկրում գրանցվել է մահվան 98 դեպք, կորոնավիրուսի զոհերի ընդհանուր թիվը կազմում է 1 006 մարդ, վարակակիր է համարվում 47 000 մարդ։