ԱՄՆ-ը մտադիր է այլընտրանքային ԱՀԿ ստեղծել

Միացյալ Նահանգները որոշում է կայացրել ստեղծել Առողջապահության համաշխարհային կազմակերպությանն (ԱՀԿ) այլընտրանքային կազմակերպություն՝ կորոնավիրուսի համավարակի ժամանակ կազմակերպության աշխատանքից դժգոհ մնալու պատճառով: Այս մասին հայտնում է Politico-ն՝ վկայակոչելով իր աղբյուրներին:

Բացի այդ, Միացյալ Նահանգները կարող է առաջարկել բարեփոխել գործող կազմակերպությունը: Նման ծրագրերի մասին Սպիտակ տանը խոսում են այն պատճառով, որ, նրանց կարծիքով, ԱՀԿ-ը չափազանց մեծ ուշադրություն է դարձնում Չինաստանին: Միևնույն ժամանակ, հանրային առողջության և բժշկության բնագավառի մասնագետները կոչ են անում Թրամփին չդադարեցնել ԱԿՀ-ի ֆինանսավորումը, քանի որ այդ քայլով ԱՀԿ-ը կհայտնվի ծանր վիճակում: