ՌԴ-ում ՀՀ դեսպանությունն առաջարկում է լրացնել էլեկտրոնային հարցաթերթիկ

ՌԴ-ում ՀՀ դեսպանատունն իր ֆեյսբուքայն էջում տեղեկացնում է. «Հարգելիʹ քաղաքացիներ,

հայտնում ենք, որ ստեղծված իրավիճակում աշխատանքների առավել արդյունավետ կազմակերպման և ամբողջական տեղեկատվություն ստանալու նպատակով դեսպանության կողմից ստեղծվել է էլ․հարցաթերթիկ։

Այս օրերին բարձրաձայնվող տարաբնույթ խնդիրներով դեսպանությանը դիմելու նպատակով անհրաժեշտ է լրացնել հարցաթեթիկը՝ պատասխանելով ներառված բոլոր հարցերին։
Հարցաթերթիկի հղումը՝ https://clck.ru/Mx8HX ։ Ցանկացած դիմում մանրամասն ուսումնասիրվելու է մեր կողմից։ Լրացնելով հարցաթերթիկը՝ դիմողը համաձայնում է իր կողմից ներկայացված տվյալների մշակմանն ու ստուգմանը դեսպանության կողմից։

Նշենք նաև, որ էլ․հարցաթերթիկը կփոխարինի [email protected] էլ․հասցեի միջոցով դիմում-հայտեր ներկայացնելու անհրաժեշտությանը։

Միևնույն ժամանակ կրկին նշում ենք, որ առաջիկա ժամանակահատվածում թռիչքներ դեպի Հայաստան չեն նախատեսվում։ Հնարավոր թռիչքի մասին տեղեկատվություն ստանալուն պես կհայտնենք»։