Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Եթե դեմ չեք, կփոխանցեմ ինձ հասցեագրված նամակների 1%-ը». Նաիրա Զոհրաբյան

«Եթե դեմ չեք, կփոխանցեմ ինձ հասցեագրված նամակների 1%-ը». Նաիրա Զոհրաբյան
369
Երեքշաբթի, 14 ապրիլի, 2020 թ., 02:10

ԱԺ ԲՀԿ խմբակցության պատգամավոր Նաիրա Զոհրաբյանը ֆեյսբուքյան իր էջում գրել է. «Սա զավեշտ չի պարոն նախարար, սա ողբերգություն է

Ազգային ժողովում ընթացող նիստին զուգահեռ՝ Գիտության, կրթության, մշակույթի, սպորտի և մնացյալի նախարար Արայիկ Հարությունյանն իր ֆեսյբուքյան էջում հետևյալ գրառումն է արել. «Արդեն զավեշտի է վերածվում: «Մեզ են դիմել հարյուրավոր, հազարավոր, բազմաթիվ քաղաքացիներ էս ինչ հարցով։ Հենց ասում ես՝ գոնե երեք հոգու տվյալ տուր կոնկրետ խնդրով զբաղվենք, հասկանանք՝ որտեղ է պրոբլեմը, փոխանցվում է առավելագույնը մի քաղաքացու տվյալ: Եվ սա օրինաչափություն է: Մի՛ արեք»:

Հիմա պարոն Հարությունյան, ինձ յուրաքանչյուր օր դիմում է, այո, մի քանի հարյուր, կրկնում եմ, մի քանի հարյուր ՀՀ քաղաքացի և շատ դեպքերում անգամ բոլորին պատասխանելը գրեթե անհնար է:
Ու քանի որ Ձեր գրառումից ոնց որ թե հասկացա, որ պատրաստ եք մեր հայրենակիցների խնդիրները լսել և ինչպես գրել եք՝ խնդրով զբաղվել, եթե դեմ չեք, ես Ձեզ կփոխանցեմ ինձ հասցեագրված նամակների 1%-ը: Շնորհակալ կլինեմ, եթե գոնե էդ մի տոկոսի խնդրով զբաղվեք:
Իսկ որպեսզի վստահ լինեք, թե օրական ինչ ծավալի է նամակների քանակը, տեղադրեմ միայն մեսենջերով, միայն վերջին 2-3 ժամվա ընթացքում մեր քաղաքացիներից ստացածս դիմումները:
Բնականաբար՝ ծածկելով նրանց պրոֆիլները:

Հ.Գ. Մի՛ արեք, պարզապես մի՛ արեք»: