Ուրբաթ, 29 մարտի, 2024 թ.
|
Ստեփանակերտում`   +6 °C

Ճապոնիան մտադիր է յուրաքանչյուր քաղաքացու 930 դոլար հատկացնել

Ճապոնիան մտադիր է յուրաքանչյուր քաղաքացու 930 դոլար հատկացնել
1337
Չորեքշաբթի, 15 ապրիլի, 2020 թ., 17:15

Ճապոնիայի իշխանությունները քննարկում են երկրի քաղաքացիներից յուրաքանչյուրին 100 հազար իեն (930 դոլար) օգնություն տրամադրելու հնարավորությունը՝ համավարակի պայմաններում օգնության և դրանով պայմանավորված տնտեսության վրա բացասական ազդեցությունը մեղմելու համար: Այս մասին հայտնել է Ճապոնիայի կառավարության բարձրաստիճան պաշտոնյաների կաբինետի գլխավոր քարտուղար Յոշիհիդո Սուգան, գրում է Reuters-ը։

Ավելի վաղ Ճապոնիան ընդունել էր 108 տրիլիոն իեն (գրեթե 1 տրիլիոն դոլար) տնտեսական օգնության փաթեթը՝ բիզնեսին և ընտանիքներին աջակցելու համար, որը հավասար է երկրի ՀՆԱ-ի 20%-ին: Մասնավորապես, այս գումարի շրջանակներում նախատեսվում է 300 հազար իեն (2,750 դոլար) հատկացնել յուրաքանչյուր ընտանիքի, որի եկամուտները կամ ցածր են, կամ վերջին ամիսներին նվազել են համավարակի պատճառով: