«Հիշեցնում ենք, որ ուսման վարձերը պետք է վճարեք մինչև նախապաշտպանությունը»․ հատված ԵՊՀ էլ․ փոստից

«Միտք» կրթական-երիտասարդական նախաձեռնության հիմնադիր Լևոն Չուկակլյանը ֆեյսբուքյան իր էջում գրել է. «Վարձավճարների մասին

Հատված ԵՊՀ էլ․ փոստից․

Հարգելի ուսանողներ, Ձեզ ենք ուղարկում ավարտական դիպլոմային աշխատանքների պաշտպանության ժամանակացույցը և հիշեցնում ենք, որ ուսման վարձերը պետք է վճարեք մինչև նախապաշտպանությունը:

Հարց 1․ Ինչո՞ւ էր Նիկոլ Փաշինյանը շեշտում, որ ուսանողները պետք է վճարեն արտակարգ դրության ավարտից հետո՝ անհատական ձևաչափով, իսկ ԵՊՀ-ն այլ բան է պահանջում։ Այս կիսամյակ ՄՈԳ-ս 20 է, տարվանը և ընդհանրապես 4 տարիների հանրագումարային ՄՈԳ-ս գերազանցում է 19-ը, այսինքն՝ ըստ կառավարության՝ իմ վարձը պետք է փոխհատուցվի ամբողջությամբ, սակայն ինչքանո՞վ է ճիշտ ինձանից մեկ բալ ցածր ունեցող ուսանողին թողնել 6 օր ժամանակ վարձավճարը վճարելու համար։

Հարց 2․ Եթե մինչև ամսի 27-ը պետք է վճարենք, ապա արդյոք շահառու ուսանողներին տրվող փոխահատուցման ձևերը ճշգրտված տարբերակով հասանելի կլինեն այդ ժամանակ»։