«Ցեղասպանության նոր կարգախոս որոնելը քաղաքական բարդույթների վկայություն է». Ն. Դիլբարյան

«Ժառանգություն» կուսակցության փոխնախագահ Նարինե Դիլբարյանը ֆեյսբուքյան իր էջում գրել է. «Ցեղասպանության 105 ամյակին նոր կարգախոս որոնելն անարդյունավետ է և հոգեբանական կամ քաղաքական բարդույթների վկայություն կարող է լինել միայն, որովհետև Թուրքիան, այսինքն՝ ցեղասպանների իրավահաջորդը, ոչ մի քայլ չի կատարել ո՛չ ճանաչման, ո՛չ զիջում հայցելու, ո՛չ ներողություն հայտնելու ուղղությամբ, իսկ դրանց պետք է հետևի մեր կորուստների վերադարձը, այդ կորուստը հայրենիքն է: Ուստի, հիշում ե՛նք և պահանջո՛ւմ, երբ Թուրքիան պաշտոնապես ներողություն կհայցի և կվերադարձնի իր բռնազավթածը, այն ժամանակ էլ կմտածենք ներելու մասին: Հանգիստ լերուք: Արսեն Խառատյանի առաջարկած կարգախոսը ո՛չ արդիական է, ո՛չ տրամաբանական, ո՛չ քաղաքական, խրատաբանություն է»: