«Ի՞նչ քաղաքացու օր, էն քաղաքացու, որի դատախազն Արթուր Դավթյա՞նն է»․ Թեհմինե Ենոքյան

Լրագրող, բնապահպան ակտիվիստ Թեհմինե Ենոքյանը ֆեյսբուքյան իր էջում գրել է. «Ի՞նչ քաղաքացու օր, էն քաղաքացու, որի դատախազն Արթուր Դավթյանն ա, էն քաղաքացու, ում արդարադատություն վերականգնելու ոչ մի շանս չեք թողել, էն քաղաքացու, ում ուսերին թողել եք հարկային ամենամեծ բեռը, իսկ օլիգարխներին խոշոր սեփականատեր դարձրել, էն քաղաքացու, ում կյանքը ոչնչով չփոխվեց, ովքեր ամենօրյա ռեժիմով թունավորվում են հանքերի ու պոչամբարների հարևանությամբ, որ ոմանք ավելի հարստանան, էն քաղաքացու, որ 2 տարի է Ամուլսարի փեշերին կյանքի հաշվին կռիվ է տալիս, իսկ մի քանի բաբկենանմաններ ռոճիկ են ստանում, ով գիտի կոռուպցիոն ինչ օղակներից են սնվում։ Ո՞ր քաղաքացու օրն է, էն որ մի թեթև հարմարվել է հարմար պաշտոնի ու աշխատավարձի, մի քիչ անհամաձայն ա վարվող քաղաքականության հետ, սակայն չի խոսում, դե շառից փորձանքից հեռու․․․ Էն քաղաքացու օրն է՞, որ սուսուփուս վճարում է գազի խայտառակ թանկ գինը, որ ԱԺ-ում վավերեցրեցին 43 տարով։
Անձամբ իմ համար քաղաքացու տոնը վերջին անգամ տոնել եմ 2018-ի ապրիլի 23-ին, դրանից հետո ֆիկտիվ է ամեն ինչ, իմաստազրկված։
Էն մեկը, որ շատ էր գոռում, թե մենակ չեմ, մենակ չեմ, մնալու է մենակ, վաղ թե ուշ»։