Երկուշաբթի, 20 ապրիլի, 2026 թ.
|
Ստեփանակերտում`   +8 °C

«1,5 միլիոն դրամ աշխատավարձ ստացող Ֆինանսների նախարարն ասում է՝ փող չկա». Էդմոն Մարուքյան

«1,5 միլիոն դրամ աշխատավարձ ստացող Ֆինանսների նախարարն ասում է՝ փող չկա». Էդմոն Մարուքյան
386
Երեքշաբթի, 28 ապրիլի, 2020 թ., 14:50

«Մայիսի 14-ին, երբ մարդկանց ասես՝ գնա աշխատանքի, հազարավոր մարդիկ հայտնաբերելու են, որ իրենց աշխատատեղերը չկան». ապրիլի 28-ին լրագրողների հետ ճեպազրույցում նման կանխատեսում արեց ԱԺ ԼՀԿ խմբակցության ղեկավար Էդմոն Մարուքյանը:

Ըստ նրա՝ այդ մարդիկ լինելու են նրանք, ովքեր աշխատել են հյուրանոցներում, զբոսաշրջային ընկերություններում:

Անդրադառնալով ԱԺ փոխնախագահ Ալեն Սիմոնյանի՝ իր առաջարկին տված պոպուլիզմ գնագատականին, Մարուքյանն ասաց, թե իրենց առաջարկը կլիներ պոպուլիզմ, եթե գումարը չլիներ, իսկ իրենք օդից առաջարկեին: «Ֆինանսների նախարարն ապատեղեկատվություն է տարածում, երբ ասում է՝ ազատ փող չկա: Այդ հաշվի վրա անցյալ տարվա կապիտալ չիրականացված շինարարության արդյունքում կա 380 մլրդ դրամ: Դա ժողովրդի փողն է, որը կառավարությունը չի ուզում ժողովրդին տալ»,- պնդեց պատգամավորը: Նրա գնահատմամբ՝ «պոպուլիզմը հենց այն է, որ 1,5 միլիոն դրամ աշխատավարձ ստացող Ֆինանսների նախարարն ասում է՝ փող չկա»։