«Հրավիրում եմ Կարեն Կարապետյանին Ապրիլյանի քննիչ հանձնաժողով». Անդրանիկ Քոչարյան

Իր վարչապետության ժամանակ Կարեն Կարապետյանը հայտարարել էր, որ Հայաստան բերվում է անորակ դիզվառելիք, որը բացասական ազդեցություն է ունեցել Ապրիլյան քառօրյայի վրա: Անդրադառնալով այս թեմային՝ Ապրիլյան քննիչ հանձնաժողովի նախագահ Անդրանիկ Քոչարյանը Հանրային հեռուստաընկերության եթերում հայտնել է, որ քննիչ հանձնաժողովի նիստերին այդ հարցին ևս անդրադարձել են:

«Ես հենց հիմա հաղորդման ընթացքում հրավեր եմ ուղղում Կարեն Կարապետյանին, որ նա մասնակցի քննիչ հանձնաժողովի աշխատանքներին: Ես գիտեմ, որ ինքը գալու է Հայաստան և մասնակցի Ռոբերտ Քոչարյանի դատավարությանը: Թող գա քննիչ հանձնաժողով և հաստատի իր ասածները, որովհետև երեկ Լևոն Մնացականյանը մեզ հիմնավոր բացատրություններ է տվել այդ լուրերի տարածման և դրա հետևանքների մասին»,- ասել է Անդրանիկ Քոչարյանը:

Եթերի ընթացքում նաև հայտնել է, որ Լևոն Մնացականյանը հերքել է Կարապետյանի այդ հայտարարությունները:

Մանրամասները՝ տեսանյութում: