«Եթե առաջարկներդ պոպուլիստական չեն, կատարի՛ր». Սարգիս Ալեքսանյան

ԱԺ «Լուսավոր Հայաստան» խմբակցության պատգամավոր Սարգիս Ալեքսանյանը ֆեյսբուքյան իր էջում գրել է. «Լուսավոր Հայաստան խմբակցության ղեկավար Էդմոն Մարուքյանի հնչեցրած առաջարկն այն մասին, որ շուրջ 500.000 ընտանիքներին 100.000-ական դրամ միանվագ աջակցություն տրամադրվի՝ այս դժվարին իրավիճակը մեղմելու նպատակով, ԱԺ-ի իշխանական որոշ պատգամավորներ այն համարեցին պոպուլիստական: Վերջիններիս կարծիքը կիսեց նաև անորոշ կարգավիճակում գտնվող, ընդդիմությանն ընդդիմադիր դարձած, իշխանությանը շողոքորթող, ինչ-որ մեկին «մի կտոր հաց տված», բայց հացի սուրբ արժեքի մասին պատկերացում չունեցող մեր նախկին «թիմակիցը»:

Նա մեր առաջարկը համարեց պոպուլիստական և մեզ մեղադրեց պոպուլիզմի մեջ՝ առանց խորամուխ լինելու առաջարկի բովանդակության մեջ:

Հիմա այստեղ հիշեցնում եմ պարոնի մեծ հետաքրքրություն և սպասումներ առաջացրած նախաձեռնությունը՝ սահմանամերձ բնակավայրերի բնակչությանը բավականին լուրջ ֆինանսական օգնություն տրամադրելու մասին:

Եթե առաջարկներդ պոպուլիստական չեն, կատարի՛ր այն, մարդիկ սպասում են, իսկ գարնան ավարտին քիչ մնաց»: