«Պաշտոնական Երևանի բանակցային դիրքերը շարունակում են մնալ ծայրահեղ խոցելի»․ Արման Մելիքյան

Արցախի նախկին արտգործնախարար Արման Մելիքյանը ֆեյսբուքյան էջում գրել է. «Պաշտոնական Երևանի ներկայիս բանակցային դիրքերը շարունակում են մնալ թույլ և ծայրահեղ խոցելի առաջին հերթին այն պատճառով, որ մեր բանակցողներն Արցախի տարածքային ամբողջականությունը պահպանելու համար անհրաժեշտ փաստարկները չունեն և, ավելին, դատելով ամեն ինչից՝ դեռևս ակնհայտորեն հրաժարվում են այդ ուղղությամբ անհրաժեշտ տնային աշխատանքը կատարել: Ընդ որում, դա ոչ միայն գործող իշխանությունների, այլև վերջիններիս նախորդների կողմից որդեգրած մոտեցումն է»: