Ուրբաթ, 06 նոյեմբերի, 2026 թ.
|
Ստեփանակերտում`   +8 °C

#COVID_19-ի զոհերի թվում շատ են հաշմանդամություն ունեցողները․ ՄԱԿ

#COVID_19-ի զոհերի թվում շատ են հաշմանդամություն ունեցողները․ ՄԱԿ
2687
Չորեքշաբթի, 06 մայիսի, 2020 թ., 16:45

Հաշմանդամություն ունեցող մարդկանց շրջանում (աշխարհում հաշմանդամություն ունի գրեթե 1 մլրդ մարդ) կա մահացության բարձր ցուցանիշ COVID-19 կորոնավիրուսից, և նրանց իրավունքների պաշտպանության ապահովումը նույնպես վատացել է համաճարակի պատճառով։ Այս մասին հայտնել է ՄԱԿ-ի գլխավոր քարտուղար Անտոնիո Գուտերեշը՝ Twitter-ի իր էջում։

«Կանդրադառնամ այն թեմային, թե ինչպես է համաճարակն ազդում աշխարհում հաշմանդամություն ունեցողների վրա: Նույնիսկ նորմալ պայմաններում հաշմանդամություն ունեցող անձինք ավելի քիչ հավանականություն ունեն ստանալու կրթություն, բարելավելու առողջությունը: Համաճարակը սրում է այս անհավասարությունը և նոր սպառնալիքներ է առաջացնում: Հաշմանդամություն ունեցող անձինք ամենաշատն են տուժել՝ համաձայն մահացության ցուցանիշների»,- հայտնել է Գուտերեշը։