Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Հարվածի տակ է հայտնվել հենց ինքը՝ Իլհամ Ալիևը». Արտյոմ Տոնոյան

«Հարվածի տակ է հայտնվել հենց ինքը՝ Իլհամ Ալիևը». Արտյոմ Տոնոյան
592
Ուրբաթ, 08 մայիսի, 2020 թ., 04:10

Իրանագետ Արտյոմ Տոնոյանը ֆեյսբուքյան իր էջում գրել է. «Իրան-Ադրբեջան հարաբերություններում նոր լարվածություն

Իրանի և Արցախի սահմանին Խուդաֆերինի ջրամբարի կառուցումը ոչ մեկ անգամ է Իրան-Ադրբեջան հարաբերություններում լարվածության պատճառ դարձել, բայց այս անգամ կարծես՝ ավելի հետաքրքիր իրավիճակ է ստեղծվել։

Ադրբեջանական ընդդիմության արևմտամետ և Թուրքիայի հետ համագործակցող հատվածը երեկ գրեթե միաժամանակ սկսեց շրջանառել մի թեզ, համաձայն որի՝ Իրանի և Արցախի սահմանին Խուդաֆերինի ՀԷԿ-ի կառուցումն իրականացվել է ամբողջությամբ Ադրբեջանական Հանրապետության ֆինանսներով՝ Ի. Ալիևի՝ 2016թ. ապրիլի մեկին իրանական կողմի հետ կնքած «դավաճանական» համաձայնագրի շրջանակներում։

Սրանով պայմանավորված՝ Ադրբեջանում ոչ միայն սրվում են հակաիրանական տրամադրությունները, այլ նաև ուղղակիորեն հարվածի տակ է հայտնվել հենց ինքը՝ Իլհամ Ալիևը՝ որպես «դավաճան», ով Իրանի հետ դաշինք կազմած հզորացնում է անկախ Արցախի Հանրապետությունը՝ Խուդաֆերինի ՀԷԿ-ի պես տնտեսական մեգապրոյեկտի իրականացման ֆինանսները հոգալով։

Որոշ օգտատերեր գրում են նաև, որ երեկ ցույց է կազմակերպվել նաև Բաքվում ԻԻՀ դեսպանատան դիմաց»։