«ՍԴ թնջուկի հանգուցալուծման այս հանրաքվեն խնդիր չլուծող քայլ էր». Նարինե Դիլբարյան

«Ժառանգություն» կուսակցության փոխնախագահ Նարինե Դիլբարյանը ֆեյսբուքյան իր էջում գրել է. «Անկախ համավարակից՝ ՍԴ թնջուկի հանգուցալուծման այս հանրաքվեն ձախող և խնդիր չլուծող քայլ էր, բայց խորհրդարանի միջոցով անձերի կոշտ, թե փափուկ հեռացումը դարձյալ չի լուծի փոփոխության գաղափարական հիմնավորման և նոր սկզբունքների հաստատման հարցը, ՍԴ-ին տրվելիք քաղաքական գնահատականին, որն իր բնույթով ուղերձ է լինելու, անմիջապես պետք է հաջորդի ոչ թե թեկնածուների առաջադրումը գործող օրենքով, այլ Սահմանադրության փոփոխության նոր հայեցակարգի հանրահռչակումն ու բազմամակարդակ քննարկումը՝ առանց սադրանքների ու միմյանց «ցխելու, վիզը կտրելու կամ ասֆալտին փռելու» քստմնելի գործիքների....»: