«Քեզ մայր է հայհոյել, դու էսօր կանգնել ես, թե՝ ցավդ տանեմ». Լիզա Ճաղարյան

Լրագրող Լիզա Ճաղարյանը ֆեյսբուքյան իր էջում գրել է. «Ա դե՛ լրջացեք, էլի։

Մի քանի օր առաջ քեզ մայր է հայհոյել, դու էսօր կանգնել ես, թե՝ ցավդ տանեմ։ Տեսեք-տեսեք՝ ա՛յ, էսքան թավշալավն ենք։ Լսի՛ր, Ալեն, լսե՛ք, իմքայլականներ, գաղտնիք չի, չէ՞՝ մարուքյանականները նպատակասլաց առաջ են գնում մեկ նպատակով՝ հունից հանել ձեզ և դեբոշներ հրահրել խորհրդաանում։

Եթե էդքանը հասկանում եք, ինչը հենց դո՛ւք եք նաև պնդում, ի դեպ, հանրությունն էլ է տեսնում, ուրեմն՝ էդ «ախպերական» դերասանություններին վերջ տվեք, էդ թաղի տղերքի բառապաշարը մոռացե՛ք էդ ձեր «դուխով» բառի հետ միասին։

Մարուքյանականները շարունակելու են հրահրել, Էդմոնն օրենքից է բարբաջելու, բայց բոլորի ելույթների ժամանակ տեղից խոսելու է ու խանգարելու է, նույնն էլ՝ իր «իգիթները»։ Ուրեմն՝ քաղաքական որոշում կայացրեք. ո՛չ մի վիրավորանքի վիրավորանքով չեք պատասխանում։ Իրենք վիրավորում են, դո՛ւք ժպտում եք և ԴՈՒՔ-ով եք դիմում վիրավորողներին։ Եվ ով որ ձեր խմբակցությունից կխախտի պայմանավորվածությունը, դատապարտում եք հրապարակավ և ստիպում, որ մանդատը դնի։

Դուք ուրիշ ճանապարհ չունեք, հակառակը՝ գահավիժումն է։ Ուզում եք ձեր պնդությունը, ուժեղությունը ապացուցել, էն անտեր մնացած դատական համակարգը խելքի բերեք, թե չէ՝ իրար ցեխը մտցնելուց, հետո էլ իրար «ցավը տանելուց» հեշտ ու ծիծաղելի բան չկա, նաև էս ՏՀԱՃ թամաշաներից մինչև կոկորդներս կուշտ ենք։

Պատգամավո՛ր դարձեք վերջապես, հերիք է էլի՛ վիստուպատ ըլնեք։ Օ՜ֆ»: