Կորոնավիրուսով պայմանավորված իրավիճակը՝ Նորքի տուն-ինտերնատում

Նորքի տուն-ինտերնատում վարակի 45 դեպք է հաստատվել: Այս մասին «Ազատությանը» փոխանցել է ՀՀ աշխատանքի և սոցիալական ապահովության նախարարության մամուլի խոսնակ Սոնա Մարտիրոսյանը:

Վարակվածներից 28-ը հաստատության աշխատակիցներն են։ Սիմպտոմների բացակայության պատճառով նրանք մեկուսացված են հյուրանոցներում։ 17 տարեցներից 14-ը բժշկական օգնություն են ստանում «Սուրբ Գրիգոր Լուսավորիչ» և «Սուրբ Աստվածածին» բժշկական հաստատություններում: