«Շարունակում ենք ականատես լինել սոցիալական այլանդակ սանձարձակության». Աննա Կոստանյան

ԱԺ «Լուսավոր Հայաստան» խմբակցության պատգամավոր Աննա Կոստանյանը ֆեյսբուքյան իր էջում գրել է. «Ու էլի շարունակում ենք ականատես լինել հերթական այլանդակ (շատ մեղմ եմ արտահայտվում) սոցիալական սանձարձակությանը, այս անգամ արդեն ոչ միայն կնոջ, այլև նորածին անմեղ երեխայի հասցեին, և այն էլ հասուն (կասկածի տեղիք է տալիս) անձի կողմից։

Ես այլևս չգիտեմ, թե ինչ խոսքերով կարելի է քննադատել բռնության կոչը, ատելության քարոզն ու դրանց համահավասար երևույթները, որոնք հանրության մեջ կուտակում են անասելի նեգատիվ։

Միակ լուծումն իրավական պատասխանատվության ենթարկելն է, անհետևանք չթողնելը։

Հանցավոր անտարբերությունն ու ազատ, առողջ խոսքի խեղաթյուրումը ծայրաստիճան վտանգավոր են բոլորիս համար»։