Փարիզում ցույցը ցրելու համար ոստիկաններն արցունքաբեր գազ են կիրառել

Փարիզում բողոքի ակցիա է տեղի է ունեցել՝ ընդդեմ ոստիկանության կողմից բռնության կիրառման ու ռասիզմի, որին մասնակցել է մոտ 20 հազար ցուցարար, գրում է Le monde-ը: Ցուցարարները հավաքվել են Փարիզի դատարանի շենքի դիմաց։
Երեկոյան քաղաքում իրավիճակը սրվել էր, ոստիկանությունն արցունքաբեր գազ էր կիրառել՝ ի պատասխան ցուցարարների կողմից իրավապահների ուղղությամբ նետված շշերի ու աղբի: Որոշ ցուցարարներ սկսել էին արգելափակել ոստիկանության մեքենաները, նետել քարեր։

Հարգելով Ջորջ Ֆլոյդի հիշատակը՝ ցուցարարները հիշել էին նաև ֆրանսիացի սևամորթ Ադամ Տրաորեի մահը, ով սպանվել էր 2016-ին՝ ձերբակալությունից անմիջապես հետո: Նրա մահվան հանգամանքները դեռևս անհայտ են։