Պեկինում մեծածախ շուկան փակվել է կորոնավիրուսի նոր դեպքերի պատճառով

Պեկինի մեծածախ շուկաներից մեկը՝ «Սինֆադին» փակվել է վերջին մի քանի օրում հայտնաբերված կորոնավիրուսի 49 նոր դեպքերի պատճառով, հայտնում է РИА Новости-ն՝ հղում անելով Պեկինի հիվանդությունների կանխարգելման և վերահսկման կենտրոնի ղեկավարի տեղակալ Պան Սինհոյին։

Բացի այդ, լայնածավալ ստուգումներ են անցկացվել քաղաքի մեծ սուպերմարկետներում և գյուղատնտեսական շուկաներում, ընդհանուր առմամբ հավաքվել է 5 424 նմուշ՝ այդ թվում մսից, ծովամթերքից, պարենային տարբեր ապրանքներից և տարատեսակ իրերից:
Վաճառքից հանվել է սաղմոնը՝ շուկայում առաքման համար օգտագործվող տախտակների վրա կորոնավիրուսի հայտնաբերումից հետո։
Պեկինի իշխանությունները նաև հայտարարել են, որ շուկա այցելած ավելի քան 10 հազար մարդ կորոնավիրուսի հայտնաբերման նուկլեինաթթվի թեստ է հանձնելու: